ຄົນພານຜູ້ບໍ່ສະຫລາດ

ເປັນຄົນອະກະຕັນຍູອະກະຕະເວທີ
ຍ່ອມບໍຣິຫານຕົນໃຫ້ຖືກກຳຈັດ

ພິກຂຸທັງຫລາຍ! ຄົນພານຜູ້ບໍ່ສະຫລາດ ເປັນອະສັບປະບຸຣຸດ ປະກອບດ້ວຍທັມ 4 ປະການ ຍ່ອມບໍລິຫານຕົນໃຫ້ຖືກກຳຈັດ ໃຫ້ຖືກທຳລາຍ ເປັນຜູ້ມີໂທດ ວິນຍູຊົນກໍຕິຕຽນ ແລະ ຍ່ອມປະສົບກັບສິ່ງທີ່ບໍ່ເປັນບຸນມາກມາຍ ທັມ 4 ປະການເປັນຢ່າງໃດ? ຄື:
* ກາຍ ທຸຈະຣິດ 1,
* ວະຈີ ທຸຈະຣິດ 1,
* ມະໂນ ທຸຈະຣິດ 1,
* ຄວາມເປັນຄົນອະກະຕັນຍູອະກະຕະເວທີ 1.

ພິກຂຸທັງຫລາຍ! ຄົນພານຜູ້ບໍ່ສະຫລາດ ເປັນອະສັບປະບຸຣຸດ ປະກອບດ້ວຍທັມ 4 ປະການນີ້ແລ ຍ່ອມບໍລິຫານຕົນໃຫ້ຖືກກຳຈັດ ໃຫ້ຖືກທຳລາຍ ເປັນຜູ້ມີໂທດ ວິນຍູຊົນກໍຕິຕຽນ ແລະ ຍ່ອມປະສົບກັບສິ່ງທີ່ບໍ່ເປັນບຸນມາກມາຍ.

ພິກຂຸທັງຫລາຍ! ບັນດິດຜູ້ສະຫລາດ ເປັນສັບປະບຸຣຸດ ປະກອບດ້ວຍທັມ 4 ປະການ ຍ່ອມບໍ່ບໍລິຫານຕົນໃຫ້ຖືກກຳຈັດ ບໍ່ຖືກທຳລາຍ ເປັນຜູ້ບໍ່ມີໂທດ ວິນຍູຊົນກໍສັນລະເສີນ ແລະ ຍ່ອມປະສົບກັບບຸນມາກມາຍ; ທັມ 4 ປະການເປັນຢ່າງໃດ?
ຄື:
* ກາຍ ສຸຈະຣິດ 1,
* ວະຈີ ສຸຈະຣິດ 1,
* ມະໂນ ສຸຈະຣິດ 1,
* ຄວາມເປັນຄົນກະຕັນຍູກະຕະເວທີ 1.

ພິກຂຸທັງຫລາຍ! ບັນດິດຜູ້ສະຫລາດ ເປັນສັບປະບຸຣຸດ ປະກອບດ້ວຍທັມ 4 ປະການນີ້ແລ ຍ່ອມບໍ່ບໍລິຫານຕົນໃຫ້ຖືກກຳຈັດ ບໍ່ຖືກທຳລາຍ ເປັນຜູ້ບໍ່ມີໂທດ ວິນຍູຊົນກໍສັນລະເສີນ ແລະ ຍ່ອມປະສົບກັບບຸນມາກມາຍ.


ອັງຄຸຕຕະຣະນິກາຍ ຈະຕຸກກະນິບາຕ ໒໑/໒໑໖-໒໑໗/໒໒໓