ແກ້ກັມ

ພວກນິຄັນຖ໌ຕ້ອງຖືກຕໍານິ ຖ້າໝູ່ສັຕບໍ່ໄດ້ສະເຫວີຍສຸຂແລະທຸກຂ໌ເພາະເຫຕທີ່ອິສວນເນຣະມິຕໃຫ້ ພວກນິຄັນຖ໌ກໍຕ້ອງຖືກຕໍານິ ຖ້າໝູ່ສັຕຍ່ອມສະເຫວີຍສຸຂແລະທຸກຂ໌ ເພາະເຫຕທີ່ມີຄວາມບັງເອີນ ພວກນິຄັນຖ໌ຕ້ອງຖືກຕໍານິ ຖ້າໝູ່ສັຕບໍ່ໄດ້ສະເຫວີຍສຸຂແລະທຸກຂ໌ ເພາະເຫຕທີ່ມີຄວາມບັງເອີນ ພວກນິຄັນຖ໌ກໍຕ້ອງຖືກຕໍານິ ຖ້າໝູ່ສັຕຍ່ອມສະເຫວີຍສຸຂແລະທຸກຂ໌ ເພາະເຫຕແຫ່ງອະພິຊາຕ ພວກນິຄັນຖ໌ຕ້ອງຖືກຕໍານິ ຖ້າໝູ່ສັຕບໍ່ໄດ້ສະເຫວີຍສຸຂແລະທຸກຂ໌ ເພາະເຫຕແຫ່ງອະພິຊາຕ ພວກນິຄັນຖ໌ກໍຕ້ອງຖືກຕໍານິ ຖ້າໝູ່ສັຕຍ່ອມສະເຫວີຍສຸຂແລະທຸກຂ໌ ເພາະເຫຕແຫ່ງຄວາມພະຍາຍາມໃນປັດຈຸບັນ ພວກນິຄັນຖ໌ຕ້ອງຖືກຕໍານິ ຖ້າໝູ່ສັຕບໍ່ໄດ້ສະເຫວີຍສຸຂແລະທຸກຂ໌ ເພາະເຫຕແຫ່ງຄວາມພະຍາຍາມໃນປັດຈຸບັນ ພວກນິຄັນຖ໌ກໍຕ້ອງຖືກຕໍານິ.

ພິກຂຸທັງຫຼາຍ ! ພວກນິຄັນຖ໌ມີຖ້ອຍຄໍາແລະຄວາມເຫັນເຊັ່ນນີ້ ການກ່າວກ່ອນແລະການກ່າວຕາມ ໑໐ ປະການ ອັນຖືກຕ້ອງດ້ວຍເຫຕຂອງພວກນິຄັນຖ໌ ຜູ້ມີຖ້ອຍຄໍາແລະຄວາມເຫັນເຊັ່ນນີ້ ຍ່ອມເຖິງຖານະຄວນຕໍານິ.

ພິກຂຸທັງຫຼາຍ ! ຄວາມພະຍາຍາມໄຮ້(ຂາດ)ຜົລ ຄວາມພຽນໄຮ້ຜົລ ເຊັ່ນນີ້ແລ.

ສະບັບ : ແກ້ກັມ

ພິກຂຸທັງຫຼາຍ ! ກໍແນວໃດ ຄວາມພະຍາຍາມຈຶ່ງຈະມີຜົລ ຄວາມພຽນຈຶ່ງຈະມີຜົລ.

ພິກຂຸທັງຫຼາຍ ! ພິກຂຸໃນທັມວິນັຍນີ້

ບໍ່ເອົາທຸກຂ໌ທັບຖົມຕົນທີ່ບໍ່ມີທຸກຂ໌ທັບຖົມ ໑

ບໍ່ສະລະຄວາມສຸຂທີ່ເກີດໂດຍທັມ ໑

ບໍ່ເປັນຜູ້ໝົກໝຸ້ນໃນຄວາມສຸຂນັ້ນ ໑

ເຂົາຍ່ອມຮູ້ແຈ້ງເຊັ່ນນີ້ວ່າ

ເຖິງເຮົານີ້ຈັກຍັງມີເຫຕແຫ່ງທຸກຂ໌

ເມື່ອເລີ່ມຕັ້ງຄວາມພຽນ ວິຣາຄະຍ່ອມມີໄດ້

ອັນໜຶ່ງ ເຖິງເຮົານີ້ຈະຍັງມີເຫຕແຫ່ງທຸກຂ໌

ເມື່ອວາງເສີຍ ບຳເພັນອຸເປກຂາຢູ່ ວິຣາຄະກໍຍ່ອມມີໄດ້

ເຂົານັ້ນຈຶ່ງເລີ່ມຕັ້ງຄວາມພຽນ

ແລະບຳເພັນອຸເປກຂາຢູ່

ດ້ວຍການເຮັດເຊັ່ນນີ້

ທຸກຂ໌ນັ້ນ ກໍເປັນອັນເຂົາສະລັດອອກໄດ້ແລ້ວ.

ພິກຂຸທັງຫຼາຍ ! ອີກປະການໜຶ່ງ ພິກຂຸພິຈາຣະນາ ເຫັນດັ່ງນີ້ວ່າ :-

ພຸດທະວະຈະນະ - ໝວດທັມ

ເມື່ອເຮົາຢູ່ຕາມສະບາຍ

ອະກຸສົລທັມຍ່ອມຈະເລີນຍິ່ງ ກຸສົລທັມຍ່ອມເສື່ອມ

ແຕ່ເມື່ອເຮົາດໍາຣົງຕົນຢູ່ໃນຄວາມລໍາບາກ

ອະກຸສົລທັມຍ່ອມເສື່ອມ ກຸສົລທັມຍ່ອມຈະເລີນຍິ່ງ

ຢ່າເຮັດແນວນັ້ນເລີຍ

ເຮົາຈົ່ງດໍາລົງຕົນຢູ່ໃນຄວາມລໍາບາກເຖີ້ນ

ເຂົານັ້ນຈຶ່ງດໍາລົງຕົນຢູ່ໃນຄວາມລໍາບາກ

ເມື່ອເຂົາດໍາລົງຕົນຢູ່ໃນຄວາມລໍາບາກຢູ່

ອະກຸສົລທັມຍ່ອມເສື່ອມ ກຸສົລທັມຍ່ອມຈະເລີນຍິ່ງ

ສະໄໝຕໍ່ມາ

ເຂົາບໍ່ຕ້ອງດໍາລົງຕົນຢູ່ໃນຄວາມລໍາບາກອີກ

ເພາະເຫຕວ່າ ປະໂຍຊນ໌ທີ່ເຂົາຫວັງນັ້ນ

ສໍາເລັດແລ້ວຕາມທີ່ເຂົາປະສົງ.

ພິກຂຸທັງຫຼາຍ !

ຄວາມພະຍາຍາມມີຜົລ ຄວາມພຽນມີຜົລ ແມ່ນເຊັ່ນນີ້.

ອຸປຣິ. ມ. ໑໔/໗/໘.

ລັດທິຄວາມເຊື່ອຜິດ ໆ

ກ່ຽວກັບກັມ

໓ ແບບ

ພຸດທະວະຈະນະ - ໝວດທັມ

໑໗

ລັດທິທີ່ເຊື່ອວ່າສຸຂແລະທຸກຂ໌

ເກີດຈາກກັມເກົ່າຢ່າງດຽວ

ພິກຂຸທັງຫຼາຍ !

ລັທທິ ໓ ລັດທິເຫຼົ່ານີ້ ມີຢູ່, ເປັນລັດທິຊຶ່ງແມ່ນວ່າບັນດິຕ ຈະພາກັນຮິ່ນຕອງ ຈະຢິບຂຶ້ນກວດສອບ ຈະຢິບຂຶ້ນວິພາກວິຈານ ກັນແນວໃດ ແມ່ນຈະຜັນແປກັນມາແນວໃດ ກໍຊວນໃຫ້ນ້ອມໄປ ເພື່ອການບໍ່ປະກອບກັມທີ່ດີງາມ ຢູ່ນັ້ນເອງ.

ພິກຂຸທັງຫຼາຍ !

ລັດທິ ໓ ລັດທິນັ້ນ ເປັນແນວໃດໜໍ ?

໓ ລັດທິຄື :-

(໑) ສະມະນະແລະພຣາມບາງພວກ ມີຖ້ອຍຄໍາແລະ ຄວາມເຫັນວ່າ “ບຸຣຸສບຸກຄົນໃດໆ ກໍຕາມ ທີ່ໄດ້ຮັບສຸຂ ຮັບທຸກຂ໌ ຫຼືບໍ່ແມ່ນສຸຂ ບໍ່ແມ່ນທຸກຂ໌ ທັງໝົດນັ້ນ ເປັນເພາະກັມທີ່ເຮັດໄວ້ແຕ່ປາງກ່ອນ” ດັ່ງນີ້.