ອາຣິຍະສັຈ ຈາກພຣະໂອດ (ພາກປາຍ)

໔. ພິກຂຸ ທ. ! ພິກຂຸໃນກໍລະນີນີ້ ເຂົ້າເຖິງເຈໂຕວິມຸຕຕິ ອັນສະງົບ ຢ່າງໃດຢ່າງໜຶ່ງແລ້ວແລຢູ່. ເຂົາຍ່ອມ (ອາໄສເຈໂຕວິມຸຕຕິນັ້ນ) ເຮັດໃນໃຈຊຶ່ງ ອະວິຊຊາປະເບດະ, ເມື່ອເຂົາເຮັດໃນໃຈຊຶ່ງອະວິຊຊາປະເບດະຢູ່, ຈິຕຂອງເຂົາກໍແລ່ນໄປ ເຫຼື້ອມໃສ

ດໍາຣົງຢູ່ ນ້ອມໄປ ໃນອະວິຊຊາປະເບດະ, ຄວາມເປັນເຊັ່ນນີ້ຂອງພິກຂຸນັ້ນ ເຮັດໃຫ້ເຂົາຫວັງອະວິຊຊາປະເບດະໄດ້. ປຽບດັ່ງຊັມພາລີ ອັນເຮັດມາແລ້ວຫຼາຍປີ ຄົນເຂົາເປີດທາງໄຫຼເຂົ້າຂອງມັນ ແລະປິດທາງນໍ້າໄຫຼອອກໄວ້ທັງໝົດ ທັງຝົນກໍຕົກຕາມລະດູກາລ ເມື່ອເປັນເຊັ່ນນີ້ ການທີ່ຈະມີນໍ້າໄຫຼອອກຈາກຄັນຄູແຫ່ງຂຸມສ້າງໃຫຍ່ນັ້ນ ກໍເປັນອັນຫວັງໄດ້, ນີ້ເຊັ່ນໃດ ; ພິກຂຸ ທ. ! ພິກຂຸທີ່ເຂົ້າເຖິງເຈໂຕວິມຸຕຕິ ອັນສະງົບຢ່າງໃດຢ່າງໜຶ່ງແລ້ວແລຢູ່. ເຂົາຍ່ອມເຮັດໃນໃຈຊຶ່ງອະວິຊຊາປະເບດະ, ເມື່ອເຂົາເຮັດໃນໃຈຊຶ່ງອະວິຊຊາປະເບດະຢູ່, ຈິຕຂອງເຂົາກໍແລ່ນໄປ ເຫຼື້ອມໃສ ດໍາຣົງຢູ່ ນ້ອມໄປ ໃນອະວິຊຊາປະເບດະ. ຄວາມເປັນເຊັ່ນນີ້ຂອງພິກຂຸນັ້ນ ເຮັດໃຫ້ເຂົາຫວັງອະວິຊຊາປະເບດະໄດ້, ເຊັ່ນນັ້ນ ເໝືອນກັນ.

ພິກຂຸ ທ. ! ບຸຄຄົນ ໔ ຈໍາພວກເຫຼົ່ານີ້ແລ ມີຢູ່ ຫາໄດ້ຢູ່ ໃນໂລກ.

ຈຕຸກກ. ອັງ. ໒໑/໒໒໓-໒໒໕/໑໗໘.

ນິດເທສ ໒໑

ວ່າດ້ວຍສັມມາສະມາທິ

ຈົບ

໑໓໖໘ ອະຣິຍະສັຈຈ໌ຈາກພຣະໂອຖະ

ນິດເທສ ໒໒ ວ່າດ້ວຍ ຂໍ້ຄວາມສະຫຼຸບເລື່ອງມັຄຄະ

(ມີ ໗໕ ເລື່ອງ)

ໝວດ ກ. ວ່າດ້ວຍ ໄວພົຈນ໌

ອະຣິຍະອັຕຖັງຄິກະມັຄຄະອະທິວະຈະນະ

(ໄວພົຈນ໌ແຫ່ງອັຕຖັງຄິກະມັຄຄະ)

ພິກຂຸ ທ. ! ເຮົາຈະສະແດງຊຶ່ງ ສາມັນຍະ ... ພິກຂຸ ທ. ! ສາມັນຍະ ນັ້ນເປັນແນວໃດໜໍ ? ສາມັນຍະນັ້ນຄື ອະຣິຍະອັຕຖັງຄິກະມັຄຄະ ນີ້ນັ້ນເອງ ໄດ້ແກ່ : ສັມມາທິຕຖິ ສັມມາສັງກັປປະ ສັມມາວາຈາ ສັມມາກັມມັນຕະ ສັມມາອາຊີວະ ສັມມາວາຢະມະ ສັມມາສະຕິ ສັມມາສະມາທິ. ພິກຂຸ ທ. ! ນີ້ເຮົາເອີ້ນວ່າ ສາມັນຍະ.

- ມຫາວາຣ. ສັງ. ໕໙/໓໐/໙໙-໑໐໐.

[ໃນສູຕອື່ນ (໑໙/໓໐/໑໐໕) ຕຣັດເອີ້ນອັຕຖັງຄິກະມັຄຄະວ່າ ພຣັມມັນຍະ.

ໃນສູຕອື່ນ (໑໙/໓໑/໑໑໑) ຕຣັດເອີ້ນອັຕຖັງຄິກະມັຄຄະວ່າ ພຣັມມະຈະຣິຢະ.

ໃນສູຕອື່ນ (໑໙/໒໐/໖໑) ຕຣັດເອີ້ນອັຕຖັງຄິກະມັຄຄະວ່າ ສັມມັຕຕະ.

ໃນສູຕອື່ນ (໑໙/໒໐/໖໔) ຕຣັດເອີ້ນອັຕຖັງຄິກະມັຄຄະວ່າ ກຸສະລະທັມມະ.

ໃນສູຕອື່ນ (໑໙/໒໐/໖໗) ຕຣັດເອີ້ນອັຕຖັງຄິກະມັຄຄະວ່າ ສັມມາປະຕິປະທາ.

ໃນສູຕອື່ນ (໑໙/໒໐/໙໑) ຕຣັດເອີ້ນອັຕຖັງຄິກະມັຄຄະວ່າ ສັມມາປະຕິປັຕຕິ.

ໃນສູຕອື່ນ (໑໙/໕໒໘/໑໖໖໔) ຕຣັດເອີ້ນອັຕຖັງຄິກະມັຄຄະວ່າ ມັຊຊິມາປະຕິປະທາ.

ໃນສູຕອື່ນ (໑໔/໕໒໔/໘໒໙) ຕຣັດເອີ້ນອັຕຖັງຄິກະມັຄຄະວ່າ ສະມະຖະແລະວິປັສສະນາ.

ອັຕຖັງຄິກະມັຄຄະໃນຖານະແຫ່ງທັມມະຍານອັນປະເສີດ

(ພຣະອານົນທ໌ໄດ້ເຫັນຊານຸດໂສນີພຣາມ ນັ່ງລົດຂາວ ທຽມດ້ວຍມ້າຂາວ ເຄື່ອງປະດັບປະດາທຸກສ່ວນຂາວ ຖືພັດວາລະວີຊະນີຂາວ ຈົນວ່າປະຊາຊົນເຫັນແລ້ວເອີ້ນວ່າ ພຣົມມະຍານ ວ່າລັກສະນະແຫ່ງພຣົມມະຍານ, ດັ່ງນີ້ແລ້ວ ເຂົ້າໄປເຝົ້າພຣະຜູ່ມີພຣະພາຄເຈົ້າ ແລ້ວທູນຖາມວ່າ :- )

ພາກ ໔ - ມັຄຄະອະຣິຍະສັຈຈ໌ : ຕອນຂໍ້ຄວາມສະຫຼຸບເລື່ອງມັຄຄະ ໑໓໖໙

“ຂ້າແຕ່ພຣະອົງຜູ່ຈະເຣີນ ! ພຣະຜູ່ມີພຣະພາຄ ອາດຈະບັນຍັຕພຣົມມະຍານຂຶ້ນ ໃນທັມວິນັຍນີ້ໄດ້ ຫຼືບໍ່ໜໍ ?”

ໄດ້ຢູ່ ອານົນທ໌ ! ຄໍາວ່າ ພຣົມມະຍານ ນັ້ນ ເປັນອະທິວະຈະນະ (ຄໍາແທນຊື່) ແຫ່ງອັຕຖັງຄິກະມັຄຄະນີ້ເອງ ; ເອີ້ນວ່າ ພຣົມມະຍານ ແດ່ ທັມມະຍານ ແດ່ ອະນຸຕຕະຣະສັງຄາມະວິຊະຢະ ແດ່.

ອານົນທ໌ ! ສັມມາທິຕຖິ ອັນບຸຄຄົນຈະເຣີນ ເຮັດໃຫ້ຫຼາຍແລ້ວ ເປັນທັມມີການດຶງອອກຊຶ່ງຣາຄະເປັນປະຣິໂຍສານ ມີການດຶງອອກຊຶ່ງໂທສະເປັນປະຣິໂຍສານ ມີການດຶງອອກຊຶ່ງໂມຫະເປັນປະຣິໂຍສານ.

ສັມມາສັງກັປປະ ... ສັມມາວາຈາ ... ສັມມາກັມມັນຕະ ... ສັມມາອາຊີວະ ... ສັມມາວາຢາມະ ... ສັມມາສະຕິ ... ສັມມາສະມາທິ ... ອັນບຸຄຄົນຈະເຣີນ ເຮັດໃຫ້ຫຼາຍແລ້ວ ເປັນທັມມີການດຶງອອກຊຶ່ງຣາຄະເປັນປະຣິໂຍສານ ມີການດຶງອອກຊຶ່ງໂທສະເປັນປະຣິໂຍສານ ມີການດຶງອອກຊຶ່ງໂມຫະເປັນປະຣິໂຍສານ.