ພົບພູມ

ພຸດທະວະຈະນະ - ໝວດທັມ

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຜົລຂອງການຈະເຣີນຣູປະສັນຍາ

ແລ້ວເຫັນຄວາມບໍ່ທ່ຽງ ໘໘

- ບາລີ ຈຕຸກ. ອັງ. ໒໑/໑໗໑/໑໒໔.

ພິກຂຸທັງຫຼາຍ !

ບຸກຄົນ ໔ ຈໍາພວກນີ້ ມີ ຢູ່ໃນໂລກ ຫາໄດ້ໃນໂລກ.

໔ ຈໍາພວກເປັນແນວໃດ ? ຄື :-

(໑) ບຸກຄົນບາງຄົນໃນໂລກນີ້ ເພາະສະງັດຈາກກາມແລະອະກຸສົລທັມທັງຫຼາຍ ບັນລຸປະຖົມມະຊານ ອັນມີວິຕົກວິຈານ ມີປີຕິແລະສຸຂ ເກີດແຕ່ວິເວກແລ້ວແລຢູ່

ຮູບ ເວທະນາ ສັນຍາ ສັງຂາຣ ແລະວິນຍານອັນໃດ ມີຢູ່ໃນທັມນັ້ນ ບຸກຄົນນັ້ນພິຈາລະນາເຫັນທັມເຫຼົ່ານັ້ນໂດຍຄວາມເປັນຂອງບໍ່ທ່ຽງ ເປັນທຸກຂ໌ ເປັນດັ່ງໂຣຄາ ເປັນດັ່ງຫົວຝີ ເປັນດັ່ງລູກສອນ ເປັນຂອງທົນໄດ້ຍາກ ເປັນຂອງບຽດບຽນ ເປັນຂອງບໍ່ເຊື່ອຟັງ ເປັນຂອງຕ້ອງທໍາລາຍໄປ ເປັນຂອງວ່າງເປົ່າ ເປັນຂອງບໍ່ແມ່ນຕົວຕົນ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍຂອງເທວະດາເຫຼົ່າສຸດທາວາສ.

ພິກຂຸທັງຫຼາຍ ! ຄວາມອຸບັດນີ້ແລ ບໍ່ທົ່ວໄປກັບປຸຖຸຊົນ.

(໒) ອີກປະການໜຶ່ງ ບຸກຄົນບາງຄົນໃນໂລກນີ້ ເພາະສະງົບວິຕົກວິຈາຣເສຍໄດ້ ຈຶ່ງບັນລຸທຸຕິຢະຊານ... .

ພຸດທະວະຈະນະ - ໝວດທັມ

(໓) ອີກປະການໜຶ່ງ ບຸກຄົນບາງຄົນໃນໂລກນີ້ ເພາະຄວາມຈາງໄປແຫ່ງປີຕິ ຈຶ່ງຢູ່ອຸເປກຂາ ມີສະຕິສັມປະຊັນຍະ ແລະຍ່ອມສະເຫວີຍສຸຂດ້ວຍກາຍ ຈຶ່ງບັນລຸຕະຕິຢະຊານ... .

(໔) ອີກປະການໜຶ່ງ ບຸກຄົນບາງຄົນໃນໂລກນີ້ ເພາະລະສຸຂແລະທຸກຂ໌ເສຍໄດ້ ເພາະຄວາມດັບຫາຍໄປແຫ່ງໂສມະນັສແລະໂທມະນັສທັງຫຼາຍໃນກາລກ່ອນ ຈຶ່ງບັນລຸຈະຕຸຕຖະຊານ ອັນບໍ່ມີທຸກຂ໌ ບໍ່ມີສຸຂ ມີແຕ່ຄວາມທີ່ມີສະຕິເປັນທໍາມະຊາດ ບໍຣິສຸດເພາະອຸເປກຂາແລ້ວແລຢູ່

ຮູບ ເວທະນາ ສັນຍາ ສັງຂາຣ ແລະວິນຍານອັນໃດ ມີຢູ່ໃນທັມນັ້ນ ບຸກຄົນນັ້ນພິຈາຣະນາເຫັນທັມເຫຼົ່ານັ້ນໂດຍຄວາມເປັນຂອງບໍ່ທ່ຽງ ເປັນທຸກຂ໌ ເປັນດັ່ງໂຣຄາ ເປັນດັ່ງຫົວຝີ ເປັນດັ່ງລູກສອນ ເປັນຂອງທົນໄດ້ຍາກ ເປັນຂອງບຽດບຽນ ເປັນຂອງບໍ່ເຊື່ອຟັງ ເປັນຂອງຕ້ອງທໍາລາຍໄປ ເປັນຂອງວ່າງເປົ່າ ເປັນຂອງບໍ່ແມ່ນຕົວຕົນ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍຂອງເທວະດາເຫຼົ່າສຸດທາວາສ.

ພິກຂຸທັງຫຼາຍ ! ຄວາມອຸບັດນີ້ແລ ບໍ່ທົ່ວໄປກັບປຸຖຸຊົນ.

ພິກຂຸທັງຫຼາຍ !

ບຸກຄົນ ໔ ຈໍາພວກນີ້ແລ ມີຢູ່ໃນໂລກ ຫາໄດ້ໃນໂລກ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຄວາມແຕກຕ່າງລະຫວ່າງປຸຖຸຊົນ ກັບ

ອະຣິຍະສາວົກ ຜູ້ຈະເຣີນພຣົມມະວິຫາຣ ໘໙

- ບາລີ ຈຕຸກ. ອັງ. ໒໑/໑໗໒-໑໗໕/໑໒໕-໑໒໖.

ພິກຂຸທັງຫຼາຍ !

ບຸກຄົນ ໔ ຈໍາພວກນີ້ ມີຢູ່ໃນໂລກ ຫາໄດ້ໃນໂລກ.

໔ ຈໍາພວກເປັນແນວໃດໜໍ ? ຄື :-

(໑) ບຸກຄົນບາງຄົນໃນໂລກນີ້ ມີຈິຕປະກອບດ້ວຍເມຕຕາ ແຜ່ໄປສູ່ທິດທີໜຶ່ງ ທິດທີສອງ ທີສາມ ທີສີ່ ກໍເໝືອນກັນເຊັ່ນນັ້ນ ທັງເບື້ອງເທິງ ເບື້ອງລຸ່ມແລະເບື້ອງຂວາງ ເຂົາແຜ່ໄປຕະຫຼອດໂລກທັງມວນ ໃນທີ່ທັງປວງແກ່ສັຕທັງຫຼາຍທົ່ວໜ້າສະເໝີກັນ ດ້ວຍຈິຕອັນປະກອບດ້ວຍເມຕຕາ ເປັນຈິຕໄພບູນ ໃຫຍ່ຫຼວງ ບໍ່ມີປະມານ ບໍ່ມີເວຣ ບໍ່ມີພະຍາບາດແລ້ວແລຢູ່.

ເຂົາຍ່ອມພໍໃຈທັມນັ້ນ ປາຖນາທັມນັ້ນ ແລະເຖິງຄວາມຍິນດີດ້ວຍທັມນັ້ນ ເຂົາດໍາຣົງຢູ່ໃນທັມນັ້ນ ນ້ອມໃຈໄປໃນທັມນັ້ນ ຢູ່ຫຼາຍດ້ວຍທັມນັ້ນ ບໍ່ເສື່ອມຈາກທັມນັ້ນ ເມື່ອທໍາກາລະ ຍ່ອມເຂົ້າເຖິງຄວາມເປັນສະຫາຍຂອງເທວະດາເຫຼົ່າພຣົມມະກາຢິກາ.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ກັບໜຶ່ງເປັນປະມານອາຍຸຂອງເທວະດາເຫຼົ່າພຣົມມະກາຢິກາ ປຸຖຸຊົນດໍາຣົງຢູ່ໃນຊັ້ນພຣົມມະກາຢິກາ ຈົນເທົ່າໝົດອາຍຸ ຍັງປະມານອາຍຸຂອງເທວະດາເຫຼົ່ານັ້ນໃຫ້ສ້ຽງໄປແລ້ວ ຍ່ອມເຂົ້າເຖິງນະຣົກແດ່ ກໍາເນີດເດຣັດສານແດ່ ເປຕວິສັຍແດ່ ສ່ວນສາວົກຂອງພຣະຜູ້ມີພຣະພາຄ ດໍາຣົງຢູ່ໃນຊັ້ນພຣົມມະກາຢິການັ້ນຈົນເທົ່າໝົດອາຍຸ ຍັງປະມານອາຍຸຂອງເທວະດາເຫຼົ່ານັ້ນໃຫ້ສ້ຽງໄປແລ້ວ ຍ່ອມປະຣິນິບພານໃນພົບນັ້ນເອງ.