ພົບພູມ

(ຕຣັດເຊັ່ນດຽວກັນກັບກໍລະນີຂອງນາຄະທີ່ເປັນ ຊາລະພຸຊະ ສັງເສທະຊະ ແລະໂອປະປາຕິກະ)

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ກໍາເນີດຄຸດ ໔ ຈໍາພວກ ໓໖

- ບາລີ ຂັນທ. ສັງ. ໑໗/໓໐໕/໕໓໑.

ພິກຂຸທັງຫຼາຍ ! ກໍາເນີດຂອງຄຸດ (ສັມປັນນະ) ໔ ຈໍາພວກນີ້

໔ ຈໍາພວກ ເປັນແນວໃດໜໍ ? ຄື

(໑) ຄຸດທີ່ເປັນອັນດະຊະ (ເກີດໃນໄຂ່)

(໒) ຄຸດທີ່ເປັນຊະລາພຸຊະ (ເກີດໃນຄັນ)

(໓) ຄຸດທີ່ເປັນສັງເສທະຊະ (ເກີດໃນໄຄເທົາ)

(໔) ຄຸດທີ່ເປັນໂອປະປາຕິກະ (ເກີດຜຸດຂຶ້ນ)

ໃນຄຸດ ໔ ຈໍາພວກນັ້ນ

ຄຸດທີ່ເປັນອັນດະຊະ ຍ່ອມນໍາເອົານາຄະທີ່ເປັນອັນດະຊະໄປໄດ້ ນໍາເອົານາຄະທີ່ເປັນຊະລາພຸຊະ ສັງເສທະຊະ ແລະໂອປະປາຕິກະໄປບໍ່ໄດ້.

ຄຸດທີ່ເປັນຊະລາພຸຊະ ຍ່ອມນໍາເອົານາຄະທີ່ເປັນອັນດະຊະແລະຊະລາພຸຊະໄປໄດ້ ນໍາເອົານາຄະທີ່ເປັນສັງເສທະຊະແລະໂອປະປາຕິກະໄປບໍ່ໄດ້.

ຄຸດທີ່ເປັນສັງເສທະຊະ ຍ່ອມນໍາເອົານາຄະທີ່ເປັນອັນດະຊະ ຊະລາພຸຊະ ແລະສັງເສທະຊະໄປໄດ້ ນໍາເອົານາຄະທີ່ເປັນ ໂອປະປາຕິກະໄປບໍ່ໄດ້.

ຄຸດທີ່ເປັນໂອປະປາຕິກະ ຍ່ອມນໍາເອົານາຄະທີ່ເປັນອັນດະຊະ ຊະລາພຸຊະ ສັງເສທະຊະ ໂອປະປາຕິກະໄປໄດ້.

ພິກຂຸທັງຫຼາຍ ! ນີ້ແລ ກໍາເນີດຂອງຄຸດ ໔ ຈໍາພວກ.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ເຫດໃຫ້ເຂົ້າເຖິງຄວາມເປັນສະຫາຍ

ຂອງຄຸດ (ນັຍທີ ໑) ໓໗

- ບາລີ ຂັນທ. ສັງ. ໑໗/໓໐໖/໕໓໒-໕໓໓.

ພິກຂຸ ! ບຸກຄົນບາງຄົນໃນໂລກນີ້ ເປັນຜູ້ເຮັດກັມທັງສອງ໑ ດ້ວຍກາຍ ດ້ວຍວາຈາ ດ້ວຍໃຈ ເຂົາໄດ້ຟັງມາວ່າ ພວກຄຸດທີ່ເປັນອັນດະຊະ ມີອາຍຸຍືນ ມີວັນນະ ປ່ຽມດ້ວຍຄວາມສຸຂ ເຂົາຈຶ່ງມີຄວາມປາຖນາດັ່ງນີ້ວ່າ

“ໂອໜໍ ! ເມື່ອຕາຍໄປ ຂໍເຮົາຈົ່ງເຂົ້າເຖິງຄວາມເປັນສະຫາຍ ຂອງພວກຄຸດທີ່ເປັນອັນດະຊະ” ຄັນຕາຍໄປ ເຂົາຍ່ອມເຂົ້າເຖິງຄວາມເປັນສະຫາຍຂອງພວກຄຸດ ທີ່ເປັນອັນດະຊະ.

ພິກຂຸ ! ຂໍ້ນີ້ແລ ເປັນເຫດ ເປັນປັດຈັຍໃຫ້ບຸກຄົນບາງຄົນໃນໂລກນີ້ ເມື່ອຕາຍໄປ ເຂົ້າເຖິງຄວາມເປັນສະຫາຍຂອງພວກຄຸດທີ່ເປັນອັນດະຊະ.

(ຕຣັດເຊັ່ນດຽວກັນກັບກໍລະນີຂອງຄຸດທີ່ເປັນ ຊາລະພຸຊະ ສັງເສທະຊະ ແລະໂອປະປາຕິກະ)

໑. ກັມທັງສອງ = ກຸສະລະກັມແລະອະກຸສະລະກັມ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ເຫດໃຫ້ເຂົ້າເຖິງຄວາມເປັນສະຫາຍ

ຂອງຄຸດ (ນັຍທີ ໒) ໓໘

- ບາລີ ຂັນທ. ສັງ. ໑໗/໓໐໗/໕໓໔-໕໓໕.

ພິກຂຸ ! ບຸກຄົນບາງຄົນໃນໂລກນີ້ ເປັນຜູ້ເຮັດກັມທັງສອງ ດ້ວຍກາຍ ດ້ວຍວາຈາ ດ້ວຍໃຈ ເຂົາໄດ້ຟັງມາວ່າ ພວກຄຸດທີ່ເປັນອັນດະຊະ ມີອາຍຸຍືນ ມີວັນນະ ປ່ຽມດ້ວຍຄວາມສຸຂ ເຂົາຈຶ່ງມີຄວາມປາຖນາດັ່ງນີ້ວ່າ

“ໂອໜໍ ! ເມື່ອຕາຍໄປ ຂໍເຮົາຈົ່ງເຂົ້າເຖິງຄວາມເປັນສະຫາຍ ຂອງພວກຄຸດທີ່ເປັນອັນດະຊະ”

ເຂົາຈຶ່ງໃຫ້ເຂົ້າ ນໍ້າ ຜ້າ ຍານ ດອກໄມ້ ຂອງຫອມ ເຄື່ອງລູບທາ ທີ່ນອນ ທີ່ຢູ່ອາໄສ ເຄື່ອງເຕີມປະທີບ ຄັນເຂົາຕາຍໄປ ເຂົາຍ່ອມເຂົ້າເຖິງຄວາມເປັນສະຫາຍຂອງພວກຄຸດທີ່ເປັນອັນດະຊະ.

ພິກຂຸ ! ຂໍ້ນີ້ແລ ເປັນເຫດ ເປັນປັດຈັຍໃຫ້ບຸກຄົນບາງຄົນໃນໂລກນີ້ ເມື່ອຕາຍໄປ ເຂົ້າເຖິງຄວາມເປັນສະຫາຍຂອງພວກຄຸດທີ່ເປັນອັນດະຊະ.

(ຕຣັດເຊັ່ນດຽວກັນກັບກໍລະນີຂອງຄຸດທີ່ເປັນ ຊາລະພຸຊະ ສັງເສທະຊະ ແລະໂອປະປາຕິກະ)

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ປະຕິປະທາໃຫ້ເຖິງຄວາມເປັນໝາແລະງົວ ໓໙

- ບາລີ ມ. ມ. ໑໓/໗໙-໘໒/໘໔-໘໖.

ຂ້າແຕ່ພຣະອົງຜູ້ຈະເຣີນ ! ເສນິຢະອະເຈລະນີ້ ປະພຶດວັຕດັ່ງໝາ ເຮັດກັມຍາກທີ່ຜູ້ອື່ນຈະເຮັດໄດ້ ບໍຣິໂພກພາຊະນະທີ່ວາງໄວ້ ນະ ພື້ນດິນ ລາວສະມາທານກຸກກຸຣະວັຕນັ້ນຢ່າງບໍລິບູນ ຊົ່ວສິ້ນກາລະນານ ຄະຕິຂອງລາວຈະເປັນແນວໃດ ພົບໜ້າຂອງລາວຈະເປັນແນວໃດ ?

ຢ່າເລີຍປຸນນະ ! ຈົ່ງເຊົາຂໍ້ນີ້ເສຍເຖີ້ນ ຢ່າຖາມເຮົາເຖິງຂໍ້ນີ້ເລີຍ.

ປຸນນະໂກລິຢະບຸດຜູ້ປະພຶດວັຕດັ່ງງົວ ໄດ້ທູນຖາມພຣະຜູູ້ມີພຣະພາກເປັນຄັ້ງທີ ໒ ແລະພຣະຜູູ້ມີພຣະພາກໄດ້ຕຣັດຫ້າມ

ປຸນນະໂກລິຢະບຸດຜູ້ປະພຶດວັຕດັ່ງງົວ ໄດ້ທູນຖາມພຣະຜູູ້ມີພຣະພາກເປັນຄັ້ງທີ ໓ ພຣະຜູູ້ມີພຣະພາກຈຶ່ງຕຣັດຕອບວ່າ