ຄູ່ມືໂສດາບັນ

(໑) ອະຣິຍະສາວົກໃນທັມວິນັຍນີ້ ຍ່ອມພິຈາຣະນາເຫັນດັ່ງນີ້ວ່າ ເຮົາຢາກເປັນຢູ່ ບໍ່ຢາກຕາຍ ຮັກສຸຂ ກຽດຊັງທຸກຂ໌ ຜູ້ໃດຈະພາກເຮົາຜູ້ຢາກເປັນຢູ່ ບໍ່ຢາກຕາຍ ຮັກສຸຂ ກຽດທຸກຂ໌ເສຍຈາກຊີວິດ ຂໍ້ນັ້ນບໍ່ເປັນທີ່ຮັກທີ່ພໍໃຈຂອງເຮົາ ອັນໜຶ່ງ ເຮົາຍ່ອມປົງຜູ້ອື່ນຜູ້ຢາກເປັນຢູ່ ບໍ່ຢາກຕາຍ ຮັກສຸຂ ກຽດທຸກຂ໌ເສຍຈາກຊີວິດ ຂໍ້ນັ້ນກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ ທັມຂໍ້ນັ້ນ ກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ ເຮົາຈະຄວນປະກອບຜູ້ອື່ນໄວ້ດ້ວຍທັມຂໍ້ນັ້ນໄດ້ຈັ່ງໃດ ອະຣິຍະສາວົກນັ້ນພິຈາຣະນາເຫັນດັ່ງນັ້ນແລ້ວ ຕົນເອງຍ່ອມງົດເວັ້ນຈາກປານາຕິບາຕດ້ວຍ

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຊັກຊວນຜູ້ອື່ນເພື່ອງົດເວັ້ນຈາກປານາຕິບາຕດ້ວຍ ກ່າວສັນເສີນຄຸນແຫ່ງການງົດເວັ້ນປານາຕິບາຕດ້ວຍກາຍະສະມາຈາຣຂອງອະຣິຍະສາວົກນັ້ນ ຍ່ອມບໍຣິສຸດໂດຍສ່ວນສາມຢ່າງນີ້.

(໒) ພຣາມແລະຄະຫະບໍດີທັງຫຼາຍ ! ອີກປະການໜຶ່ງອະຣິຍະສາວົກຍ່ອມພິຈາຣະນາເຫັນດັ່ງນີ້ວ່າ ຜູ້ໃດຍ່ອມຖືເອົາສິ່ງຂອງທີ່ເຮົາບໍ່ໄດ້ໃຫ້ດ້ວຍອາການຂີ້ລັກ ຂໍ້ນັ້ນບໍ່ເປັນທີ່ຮັກທີ່ພໍໃຈຂອງເຮົາ ອັນໜຶ່ງ ເຮົາຍ່ອມຖືເອົາສິ່ງຂອງທີ່ຜູ້ອື່ນບໍ່ໄດ້ໃຫ້ດ້ວຍອາການຂີ້ລັກ ຂໍ້ນັ້ນກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ ທັມຂໍ້ນັ້ນ ກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ ເຮົາຈະຄວນປະກອບຜູ້ອື່ນໄວ້ດ້ວຍທັມຂໍ້ນັ້ນໄດ້ຈັ່ງໃດ ອະຣິຍະສາວົກນັ້ນພິຈາຣະນາເຫັນດັ່ງນີ້ແລ້ວ ຕົນເອງຍ່ອມງົດເວັ້ນຈາກອະທິນນາທານດ້ວຍ ຊັກຊວນຜູ້ອື່ນເພື່ອໃຫ້ງົດເວັ້ນຈາກອະທິນນາທານດ້ວຍ ກ່າວສັນເສີນຄຸນແຫ່ງການງົດເວັ້ນຈາກອະທິນນາທານດ້ວຍ ກາຍະສະມາຈາຣຂອງອະຣິຍະສາວົກນັ້ນຍ່ອມບໍຣິສຸດໂດຍສ່ວນສາມຢ່າງນີ້.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

(໓) ພຣາມແລະຄະຫະບໍດີທັງຫຼາຍ ! ອີກປະການໜຶ່ງ ອະຣິຍະສາວົກຍ່ອມພິຈາຣະນາເຫັນດັ່ງນີ້ວ່າ ຜູ້ໃດຍ່ອມເຖິງຄວາມປະພຶດ (ຜິດ) ໃນພະຣິຍາຂອງເຮົາ ຂໍ້ນັ້ນບໍ່ເປັນທີ່ຮັກທີ່ພໍໃຈຂອງເຮົາ ອັນໜຶ່ງ ເຮົາຍ່ອມເຖິງຄວາມປະພຶດ(ຜິດ)ໃນພະຣິຍາ ຂອງຜູ້ອື່ນ ຂໍ້ນັ້ນກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດບໍ່ເປັນທີ່ຮັກທີ່ພໍໃຈຂອງເຮົາ ທັມຂໍ້ນັ້ນ ກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ ເຮົາຈະຄວນປະກອບຜູ້ອື່ນໄວ້ດ້ວຍທັມຂໍ້ນັ້ນໄດ້ຈັ່ງໃດ ອະຣິຍະສາວົກນັ້ນພິຈາຣະນາເຫັນດັ່ງນີ້ແລ້ວ ຕົນເອງຍ່ອມງົດເວັ້ນຈາກກາເມສຸມິຈສາຈາຣດ້ວຍ ຊັກຊວນຜູ້ອື່ນເພື່ອໃຫ້ງົດເວັ້ນຈາກກາເມສຸມິຈສາຈາຣດ້ວຍ ກ່າວສັນເສີນຄຸນແຫ່ງການງົດເວັ້ນຈາກກາເມສຸມິຈສາຈາຣດ້ວຍ ກາຍະສະມາຈາຣຂອງອະຣິຍະສາວົກນັ້ນຍ່ອມບໍຣິສຸດໂດຍສ່ວນສາມຢ່າງນີ້.

(໔) ພຣາມແລະຄະຫະບໍດີທັງຫຼາຍ ! ອີກປະການໜຶ່ງອະຣິຍະສາວົກຍ່ອມພິຈາຣະນາເຫັນດັ່ງນີ້ວ່າ ຜູ້ໃດຍ່ອມທຳລາຍປະໂຍຊນ໌ຂອງເຮົາດ້ວຍການກ່າວຕົວະ ຂໍ້ນັ້ນບໍ່ເປັນທີ່ຮັກທີ່ພໍໃຈຂອງເຮົາ ອັນໜຶ່ງ ເຮົາຍ່ອມທຳລາຍປະໂຍຊນ໌ຂອງຜູ້ອື່ນດ້ວຍການກ່າວຕົວະ ຂໍ້ນັ້ນກໍບໍ່ເປັນທີ່ຮັກທີ່ພໍໃຈແມ່ນຂອງຜູ້ອື່ນ ທັມຂໍ້ໃດ ບໍ່ເປັນທີ່ຮັກທີ່ພໍໃຈຂອງເຮົາ