ຄູ່ມືຮັກສາອຸໂປສົຖ

ຜູ້ປະຕິບັຕຢ່າງໃດ ຈຶ່ງຊື່ວ່າປະຕິບັຕເພື່ອຄວາມດັບແຫ່ງຄວາມດຳຣິທີ່ເປັນອະກຸສົລ?

ດູກ່ອນຊ່າງໄມ້! ພິກຂຸໃນທັມວິນັຍນີ້ ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອບໍ່ໃຫ້ອະກຸສົລທັມອັນເປັນບາບທັງຫລາຍທີ່ຍັງບໍ່ເກີດເກີດຂຶ້ນ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອລະອະກຸສົລທັມອັນເປັນບາບທັງຫລາຍທີ່ເກີດຂຶ້ນແລ້ວ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອໃຫ້ກຸສົລທັມທັງຫລາຍທີ່ຍັງບໍ່ເກີດເກີດຂຶ້ນ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອຄວາມຕັ້ງໝັ້ນ ເພື່ອຄວາມບໍ່ເລືອນຫາຍ ເພື່ອຄວາມມີຍິ່ງໆຂຶ້ນໄປ ເພື່ອຄວາມໄພບູນ ເພື່ອຄວາມຈະເຣີນ ເພື່ອຄວາມບໍຣິບູນແຫ່ງກຸສົລທັມທັງຫລາຍທີ່ເກີດຂຶ້ນແລ້ວ.

ດູກ່ອນຊ່າງໄມ້! ຜູ້ປະຕິບັຕຢ່າງນີ້ແລ ຊື່ວ່າປະຕິບັຕເພື່ອຄວາມດັບແຫ່ງຄວາມດຳຣິທີ່ເປັນອະກຸສົລ.

ກຸສົລສັງກັປປະ

ດູກ່ອນຊ່າງໄມ້! ກໍຄວາມດຳຣິທີ່ເປັນກຸສົລເປັນຢ່າງໃດ?

ດູກ່ອນຊ່າງໄມ້! ຄວາມດຳຣິໃນເນກຂັມມະ, ຄວາມດຳຣິໃນກາຣບໍ່ພະຍາບາທ, ຄວາມດຳຣິໃນກາຣບໍ່ບຽດບຽນ. ດູກ່ອນຊ່າງໄມ້ ເຫລົ່ານີ້ຮຽກວ່າ ຄວາມດຳຣິທີ່ເປັນກຸສົລ.

ດູກ່ອນຊ່າງໄມ້! ກໍຄວາມດຳຣິທີ່ເປັນກຸສົລເຫລົ່ານີ້ມີອັນໃດເປັນສະມຸຕຖານ?

ແມ່ນແຕ່ສະມຸຕຖານແຫ່ງຄວາມດຳຣິທີ່ເປັນກຸສົລເຫລົ່ານັ້ນ ເຮົາກໍກ່າວແລ້ວ ຄວນກ່າວວ່າ ມີສັນຍາເປັນສະມຸຕຖານ.

ສັນຍາເປັນຢ່າງໃດ?

ສັນຍາກໍມີຫລາຍ ຫລາຍຢ່າງ ມີປະກາຣຕ່າງໆ ສັນຍາໃດເປັນສັນຍາໃນເນກຂັມມະ ເປັນສັນຍາໃນກາຣບໍ່ພະຍາບາທ ເປັນສັນຍາໃນກາຣບໍ່ບຽດບຽນ. ຄວາມດຳຣິທີ່ເປັນກຸສົລມີສັນຍານີ້ເປັນສະມຸຕຖານ.

ດູກ່ອນຊ່າງໄມ້! ຄວາມດຳຣິທີ່ເປັນກຸສົລເຫລົ່ານີ້ດັບລົງໝົດສິ້ນໄປໃນທີ່ໃດ?

ແມ່ນແຕ່ຄວາມດັບແຫ່ງຄວາມດຳຣິທີ່ເປັນກຸສົລເຫລົ່ານັ້ນ ເຮົາກໍກ່າວແລ້ວ.

ດູກ່ອນຊ່າງໄມ້! ພິກຂຸໃນທັມວິນັຍນີ້ ບັນລຸທຸຕິຍະຊານ ມີຄວາມຜ່ອງໃສແຫ່ງຈິຕໃນພາຍໃນ ເປັນທັມອັນເອກຜຸດຂຶ້ນ ບໍ່ມີວິຕົກ ບໍ່ມີວິຈາຣ ເພາະວິຕົກວິຈາຣສງົບໄປ ມີປີຕິແລະສຸຂອັນເກີດແຕ່ສະມາທິຢູ່ ເຊິ່ງເປັນທີ່ດັບບໍ່ເຫລືອແຫ່ງຄວາມດຳຣິທີ່ເປັນກຸສົລ.

ຜູ້ປະຕິບັຕຢ່າງໃດ ຈຶ່ງຊື່ວ່າປະຕິບັຕເພື່ອຄວາມດັບແຫ່ງຄວາມດຳຣິທີ່ເປັນກຸສົລ?

ດູກ່ອນຊ່າງໄມ້! ພິກຂຸໃນທັມວິນັຍນີ້ ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອບໍ່ໃຫ້ອະກຸສົລທັມອັນເປັນບາບທັງຫລາຍທີ່ຍັງບໍ່ເກີດເກີດຂຶ້ນ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອລະອະກຸສົລທັມອັນເປັນບາບທັງຫລາຍທີ່ເກີດຂຶ້ນແລ້ວ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອໃຫ້ກຸສົລທັມທັງຫລາຍທີ່ຍັງບໍ່ເກີດເກີດຂຶ້ນ.

ຍັງສັນທະໃຫ້ເກີດ ພະຍາຍາມ ປຣາຣົພຄວາມພຽນ ປະຄອງຈິຕ ຕັ້ງຈິຕໄວ້ ເພື່ອຄວາມຕັ້ງໝັ້ນ ເພື່ອຄວາມບໍ່ເລືອນຫາຍ ເພື່ອຄວາມມີຍິ່ງໆຂຶ້ນໄປ ເພື່ອຄວາມໄພບູນ ເພື່ອຄວາມຈະເຣີນ ເພື່ອຄວາມບໍຣິບູນແຫ່ງກຸສົລທັມທັງຫລາຍທີ່ເກີດຂຶ້ນແລ້ວ.

ດູກ່ອນຊ່າງໄມ້! ຜູ້ປະຕິບັຕຢ່າງນີ້ແລ ຊື່ວ່າປະຕິບັຕເພື່ອຄວາມດັບແຫ່ງຄວາມດຳຣິທີ່ເປັນກຸສົລ.

ອະເສຂະທັມ ໑໐ ປະກາຣ

ດູກ່ອນຊ່າງໄມ້! ເຮົາບັນຍັຕບຸຄຄົລຜູ້ປະກອບດ້ວຍທັມ ໑໐ ປະກາຣວ່າ ເປັນຜູ້ມີກຸສົລສົມບູນ ມີກຸສົລຢ່າງຍິ່ງ ເປັນສະມະນະຜູ້ເຖິງພູມປະຕິບັຕອັນອຸດົມ ບໍ່ມີໃຜຊະນະໄດ້.

ດູກ່ອນຊ່າງໄມ້! ພິກຂຸໃນທັມວິນັຍນີ້ ເປັນຜູ້ປະກອບດ້ວຍສັມມາທິຕຖິອັນເປັນຂອງອະເສຂະ,

ເປັນຜູ້ປະກອບດ້ວຍສັມມາສັງກັປປະອັນເປັນຂອງອະເສຂະ,

ເປັນຜູ້ປະກອບດ້ວຍສັມມາວາຈາອັນເປັນຂອງອະເສຂະ,

ເປັນຜູ້ປະກອບດ້ວຍສັມມາກັມມັນຕະອັນເປັນຂອງອະເສຂະ,

ເປັນຜູ້ປະກອບດ້ວຍສັມມາອາຊີວະອັນເປັນຂອງອະເສຂະ,

ເປັນຜູ້ປະກອບດ້ວຍສັມມາວາຍາມະອັນເປັນຂອງອະເສຂະ,

ເປັນຜູ້ປະກອບດ້ວຍສັມມາສະຕິອັນເປັນຂອງອະເສຂະ,

ເປັນຜູ້ປະກອບດ້ວຍສັມມາສະມາທິອັນເປັນຂອງອະເສຂະ,

ເປັນຜູ້ປະກອບດ້ວຍສັມມາຍານະອັນເປັນຂອງອະເສຂະ,