ພົບພູມ

ອະຣິຍະສັຈຄືເຫດໃຫ້ເກີດຂຶ້ນແຫ່ງທຸກຂ໌

ອະຣິຍະສັຈຄືຄວາມດັບບໍ່ເຫຼືອແຫ່ງທຸກຂ໌

ອະຣິຍະສັຈຄືທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌.

ພິກຂຸທັງຫຼາຍ ! ເພາະເຫດນັ້ນ ໃນເລື່ອງນີ້ ເຈົ້າຕ້ອງປະກອບໂຢຄະກັມ ອັນເປັນເຄື່ອງເຮັດໃຫ້ຮູ້ວ່າ

ທຸກຂ໌ ເປັນເຊັ່ນນີ້

ເຫດໃຫ້ເກີດຂຶ້ນແຫ່ງທຸກຂ໌ ເປັນເຊັ່ນນີ້

ຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້

ທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້ ດັ່ງນີ້.

ພິກຂຸທັງຫຼາຍ ! ເຈົ້າທັງຫຼາຍຈະສໍາຄັນຄວາມຂໍ້ນີ້ວ່າແນວໃດ ຝຸ່ນໜ້ອຍໜຶ່ງທີ່ເຮົາຕັກຂຶ້ນດ້ວຍປາຍເລັບມືນີ້ ກັບມະຫາປະຖະພີນັ້ນ ຝ່າຍໃດຈະຫຼາຍກວ່າກັນ ?

ຂ້າແຕ່ພຣະອົງຄ໌ຜູ້ຈະເຣີນ ! ມະຫາປະຖະພີນັ້ນແຫຼະ ເປັນດິນທີ່ຫຼາຍກວ່າ ຝຸ່ນໜ້ອຍໜຶ່ງ ທີ່ຊົງຕັກຂຶ້ນດ້ວຍປາຍພຣະນະຂານີ້ ເປັນຂອງມີປະມານໜ້ອຍ ຝຸ່ນນັ້ນເມື່ອນໍາເຂົ້າໄປທຽບກັບມະຫາປະຖະພີ ຍ່ອມບໍ່ເຖິງຊຶ່ງການຄໍານວນໄດ້ ປຽບທຽບໄດ້ ບໍ່ເຂົ້າເຖິງແມ່ນແຕ່ສ່ວນສ້ຽວ.

ເປີດທັມທີ່ຖືກປົກປິດ : ພົບພູມ

ພິກຂຸທັງຫຼາຍ ! ອຸປະມານີ້ເຊັ່ນໃດ ອຸປະໄມກໍເຊັ່ນນັ້ນ ສັຕທີ່ຈຸຕິຈາກເດຣັດສານໄປແລ້ວ ຈະກັບໄປເກີດໃນໝູ່ເທວະດາມີໜ້ອຍ ໂດຍທີ່ແທ້ ສັຕທີ່ຈຸຕິຈາກເດຣັດສານໄປແລ້ວ ກັບໄປເກີດໃນນະຣົກ ກໍາເນີດເດຣັດສານ ເປຕວິສັຍ ມີຫຼາຍກວ່າໂດຍແທ້.

ຂໍ້ນັ້ນເພາະເຫດໃດ ?

ພິກຂຸທັງຫຼາຍ !

ຂໍ້ນັ້ນເພາະຄວາມທີ່ສັຕເຫຼົ່ານັ້ນ ບໍ່ເຫັນອະຣິຍະສັຈທັງສີ່.

ອະຣິຍະສັຈສີ່ ແນວໃດໜໍ ? ສີ່ຢ່າງຄື

ອະຣິຍະສັຈຄືທຸກຂ໌

ອະຣິຍະສັຈຄືເຫດໃຫ້ເກີດຂຶ້ນແຫ່ງທຸກຂ໌

ອະຣິຍະສັຈຄືຄວາມດັບບໍ່ເຫຼືອແຫ່ງທຸກຂ໌

ອະຣິຍະສັຈຄືທາງດຳເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌.

ພິກຂຸທັງຫຼາຍ ! ເພາະເຫດນັ້ນ ໃນເລື່ອງນີ້ເຈົ້າຕ້ອງປະກອບໂຢຄະກັມ ອັນເປັນເຄື່ອງເຮັດໃຫ້ຮູ້ວ່າ

ທຸກຂ໌ ເປັນເຊັ່ນນີ້

ເຫດເກີດຂຶ້ນແຫ່ງທຸກຂ໌ ເປັນເຊັ່ນນີ້

ຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້

ທາງດໍາເນີນໃຫ້ເຖິງຄວາມດັບບໍ່ເຫຼືອແຫ່ງທຸກຂ໌ ເປັນເຊັ່ນນີ້ ດັ່ງນີ້.

ເປຕະວິສະຢະ

=

ເປຕະວິສັຍ

(ເປຕວິໄສ, ຜີເຜດ)

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ເປຕະວິສະຢະ (ເປຕະວິໄສ) ໔໓

- ບາລີ ມຫາວິ. ວິ. ໑/໒໑໐/໒໙໕.

໑. ອັດຖິສັງຂະລິກະເປຕະ

ທ່ານພຣະໂມກຄັນລານະກ່າວວ່າ

ອາວຸໂສ ! ຂ້ານ້ອຍລົງຈາກຄິຊຊະກູດບັນພົດ ເຂດພຣະນະຄອນຣາຊະຄຶ ໄດ້ເຫັນອັດຖິສັງຂະລິກະເປຕະ ມີແຕ່ຮ່າງກະດູກ ລອຍໄປໃນເວຫາ ຝູງແຮ້ງ ຕອດສັບໂດຍແຮງ ຍາດແຍ້ງຕາມຫວ່າງໂຄງກະດູກ ກະຝຶດຊຶ່ງເປຕະນັ້ນຢູ່ໄປມາ ເປຕະນັ້ນຮໍ່າໄຫ້ຮ້ອງຄາງ.

ອາວຸໂສ ! ຂ້ານ້ອຍນັ້ນໄດ້ຄິດເຊັ່ນນີ້ວ່າ ໜ້າອັດສະຈັນແທ້ໜໍ ເປັນຕາງຶດແທ້ໜໍ ທີ່ສັຕແມ່ນວ່າເຫັນປານນີ້ ຍັກແມ່ນວ່່າເຫັນປານນີ້ ເປຕະແມ່ນວ່າເຫັນປານນີ້ ການໄດ້ອັຕຕະພາບແມ່ນວ່າເຫັນປານນີ້ ກໍມີຢູ່.

ພິກຂຸທັງຫຼາຍ ! ພາກັນເພັ່ງໂທດ ຕິຕຽນ ຈົ່ມໃຫ້ວ່າ ທ່ານພຣະໂມກຄັນລະນະ ອວດອຸດຕະຣິມະນຸສະທັມ.

ເປີດທັມທີ່ຖືກປົກປິດ : ພົບພູມ

ຄັ້ງນັ້ັນ ພຣະຜູ້ມີພຣະພາກຕຣັດສັ່ງກັບພິກຂຸທັງຫຼາຍວ່າ

ພິກຂຸທັງຫຼາຍ ! ສາວົກທັງຫຼາຍຍ່ອມເປັນຜູ້ມີຈັກຂຸຢູ່ ຍ່ອມເປັນຜູ້ມີຍານຢູ່ ເພາະສາວົກໄດ້ຮູ້ໄດ້ເຫັນ ຫຼືໄດ້ເຮັດສັຕ ເຊັ່ນນີ້ ໃຫ້ເປັນພະຍານແລ້ວ.

ພິກຂຸທັງຫຼາຍ ! ເມື່ອກາລກ່ອນເຮົາກໍໄດ້ເຫັນສັຕນັ້ນ ແຕ່ເຮົາບໍ່ໄດ້ພະຍາກອນ ຖ້າເຮົາພະຍາກອນສັຕນັ້ນແລະຄົນອື່ນບໍ່ເຊື່ອເຮົາ ຂໍ້ນັ້ນກໍຈະຍ່ອມເປັນໄປເພື່ອບໍ່ເປັນປະໂຍຊນ໌ເກື້ອກູນ ເພື່ອທຸກຂ໌ແກ່ເຂົາເຫຼົ່ານັ້ນຊົ່ວສິ້ນກາລະນານ.

ພິກຂຸທັງຫຼາຍ ! ສັຕນັ້ນເຄີຍເປັນຄົນຂ້າງົວຢູ່ໃນພຣະນະຄອນຣາຊະຄຶນີ້ເອງ ດ້ວຍວິບາກແຫ່ງກັມນັ້ນ ເຂົາໝົກໄໝ້ຢູ່ໃນນະຣົກຫຼາຍປີ ຫຼາຍຮ້ອຽປີ ຫຼາຍພັນປີ ຫຼາຍແສນປີ ແລ້ວໄດ້ປະສົບອັຕຕະພາບເຊັ່ນນີ້ ດ້ວຍວິບາກແຫ່ງກັມນັ້ນແຫຼະ ທີ່ຍັງເປັນສ່ວນເຫຼືອຢູ່.

ພິກຂຸທັງຫຼາຍ ! ໂມກຄັນລານະກ່າວຄໍາຈິງ

ໂມກຄັນລານະບໍ່ຕ້ອງອາບັດ.

.... .... .... ....

ພຸດທະວະຈະນະ - ໝວດທັມ

໒. ມັງສະເປສິເປຕະ